Category: 2023

សួស្តីប្អូនៗនិស្សិតអាហារូបករណ៍ ចេន ហ្សុី! ទោះយើងងាកមកមើលពីសិក្ខាសាលារបស់យើង ដែលស្តីអំពីសារៈសំខាន់នៃការទំនាក់ទំនងប្រកបដោយប្រសិទ្ធភាព រៀបចំឡើងដោយមូលនិធិព្រីនស៍។  ក្នុងអំឡុងពេលសិក្ខាសាលា និស្សិតបានស្វែងយល់ពីជំនាញ និងរបៀបក្នុងការទំនាក់ទំនងសំខាន់ៗដូចជា ការកំណត់គោលដៅទំនាក់ទំនងឱ្យបានច្បាស់លាស់ ការយល់ដឹងពីទស្សនិកជន ការបង្កើតចំណុចនិយាយដែលមានឥទ្ធិពល និងជំនាញបច្ចេកទេសនៃការប្រើប្រាស់ពាក្យពេចន៍ និងការទំនាក់ទំនងដែលមិនប្រើប្រាស់ពាក្យពេចន៍។  និស្សិតក៏ទទួលបានបទពិសោធន៍ជាក់ស្តែងមួយចំនួនផងដែរ តាមរយៈការលេងហ្គេមត្រាប់ការទំនាក់ទំនងបែបកាយវិការ ការដោះស្រាយបញ្ហាទំនាក់ទំនងជាក្រុម និងការផ្តល់ជាមតិកែលម្អ រួមទាំងការបង្កើតផែនការសកម្មភាពផ្ទាល់ខ្លួនក្នុងការបង្កើនកម្រិតជំនាញទំនាក់ទំនងរបស់ពួកគេ។ ជាលទ្ធផលក្រោយការបញ្ចប់វគ្គសិក្ខាសាលាមួយថ្ងៃនេះ ៩៨ ភាគរយនៃនិស្សិតដែលបានចូលរូមបានសម្តែងនូវការពេញចិត្តខ្ពស់ និងបង្ហាញថាពួកគេបានកើនទំនុកចិត្តជាងមុនជាមួយនឹងកម្រិតជំនាញទំនាក់ទំនងរបស់គេ។ ជាង ៩០ភាគរយនៃអ្នកចូលរួមបានឆ្លុះបញ្ជាំងថា ពួកគេមានការយល់ដឹងកាន់តែសុីជម្រៅបន្ថែមទៀតអំពីសារៈសំខាន់នៃការទំនាក់ទំនង និងរបៀបពាក់ព័ន្ធផ្សេងទៀតនៃការទំនាក់ទំនងដែលមានប្រសិទ្ធភាព។ ត្រៀមខ្លួននិស្សិតអាហារូបករណ៍ ចេន ហ្សុី! ឆ្ពោះទៅរកការទំនាក់ទំនងមូយដែលមានប្រសិទ្ធភាព និងគ្មានព្រំដែនសម្រាប់អនាគតកាន់តែប្រសើររបស់យើង ជាមួយនឹងមូលនិធិព្រីនស៍ និងកម្មវិធីអាហារូបករណ៍ ចេន ហ្សុី៕

កាលពីថ្ងៃទី២៦ ខែមិថុនា ក្រុមសិស្សានុសិស្សថ្នាក់ទី១២ ចំនួន១២រូបមកពីវិទ្យាល័យអារញ្ញសាគរ Caring for Cambodia (CFC) និងវិទ្យាល័យហ៊ុន សែន ប្រាសាទបាគងបានធ្វើទស្សនកិច្ចសិក្សានៅទីស្នាក់ការកណ្តាលរបស់ក្រុមហ៊ុន ព្រីនស៍ ហូលឌីង គ្រុប ដើម្បីទទួលបានចំណេះដឹងជាក់ស្តែងអំពីដំណើរការរបស់ក្រុមហ៊ុនផ្ទាល់។ ដឹកនាំដោយលោកស្រី Rebecca Large នាយិការងប្រចាំសុីអេហ្វសុីនៅប្រទេសកម្ពុជា សិស្សានុសិស្សត្រូវបានណែនាំអំពីទិដ្ឋភាពផ្សេងៗនៃវប្បធម៌ការងារនៅក្នុងក្រុមហ៊ុន។ តាមរយៈការចែករំលែកបទពិសោធន៍ពីបុគ្គលិកដែលកំពុងធ្វើការនៅក្នុងក្រុមហ៊ុនផ្ទាល់ សិស្សានុសិស្សក៏ទទួលបានការយល់ដឹងកាន់តែសុីជម្រៅអំពីរបៀបដែលសាជីវកម្មត្រូវបានដំណើរការនៅក្នុងព្រីនស៍គ្រុប។ ទាំងនេះជាការបង្ហាញផ្លូវទៅកាន់ពួកគាត់ឱ្យយល់ដឹងបន្ថែមទៀតអំពីការធ្វើការងារក្នុងក្រុមហ៊ុនមួយដែលកំពុងរីកចម្រើន និងរបៀបប្រតិបត្តិអាជីវកម្មចម្រុះ។ សិស្សម្នាក់ក្នុងចំណោមសិស្សដែលបានទស្សនកិច្ចសិក្សាបានលើកឡើងថា «ដំណើរទស្សនកិច្ចសិក្សានៅក្រុមហ៊ុន ព្រីនស៍ ហូលឌីង គ្រុបថ្ងៃនេះ គឺជាបទពិសោធន៍ថ្មី និងអស្ចារ្យសម្រាប់ខ្ញុំ»។ ប្អូនបន្តថា «ពួកយើងបានរៀនសូត្រយ៉ាងច្រើនអំពីទិដ្ឋភាពជាក់ស្តែងនៃដំណើរការអាជីវកម្ម ហើយវាជាការបំផុសគំនិតដល់ពួកយើងផងដែរឱ្យយល់ដឹងពីរបៀបដែលនាយកដ្ឋាន ឬដេប៉ាតឺម៉ង់ផ្សេងៗធ្វើការរួមគ្នា ដើម្បីសម្រេចគោលបំណងតែមួយឱ្យបានជោគជ័យ។ ក្នុងអំឡុងពេលនៃដំណើរទស្សនកិច្ចនេះ សិស្សានុសិស្សក៏បានធ្វើទំនាក់ទំនងជាមួយនឹងបុគ្គលិកវ័យក្មេងដែលមានទេពកោសល្យរបស់យើង ផ្តោះប្តូរ និងចែករំលែកបទពិសោធន៍ទៅកាន់ប្អូនៗ។ ពួកគេក៏បានសិក្សាអំពីគំនិតផ្តួចផ្តើមផ្សេងៗរបស់មូលនិធិព្រីនស៍ ដែលជាមូលនិធិសប្បុរសធម៌របស់ក្រុមហ៊ុន ព្រីនស៍ ហូលឌីង គ្រុប រួមមានកម្មវិធីអាហារូបករណ៍ ចេន ហ្សុី ដែលគាំទ្រដល់និស្សិតកម្ពុជាឱ្យទទួលបានការសិក្សាថ្នាក់បរិញ្ញាបត្រនៅក្នុងសាកលវិទ្យាល័យល្បីៗ។ មូលនិធិព្រីនស៍បានចូលរួមយ៉ាងសកម្មក្នុងការគាំទ្រគំនិតផ្តួចផ្តើមផ្នែកអប់រំជាច្រើន និងផ្តល់សិទ្ធិអំណាចដល់យុវជន ដោយបំពាក់បំប៉ន់ពួកគេនូវចំណេះដឹងចាំបាច់ ដើម្បីឱ្យពួកគេមានឱកាសទទួលការអប់រំប្រកបដោយគុណភាព និងបណ្តុះបណ្តាលជំនាញសំខាន់ៗផ្សេងទៀតសម្រាប់អនាគតដ៏រុងរឿងរបស់ពួកគេ។

សហព័ន្ធកីឡាបាល់បោះរទេះជនពិការកម្ពុជា បានរៀបចំពិធីអបអរសាទរដល់ក្រុមអត្តពលិកកីឡាបាល់បោះរទេះជនពិការកម្ពុជាដែលទទួលបានជ័យជម្នះក្នុងព្រឹត្តិការណ៍អាស៊ានប៉ារ៉ាហ្គេមលើកទី១២។ ពិធីនេះប្រព្រឹត្តទៅនៅមជ្ឈមណ្ឌលជាតិជនពិការកម្ពុជា ក្រោមអធិបតីភាពអ្នកម្នាង ស៊ីសុវត្ថិ គន្ធីរ៉េត ប្រធានកិត្តិយសសហព័ន្ធកីឡាបាល់បោះរទេះជនពិការកម្ពុជា និងឯកឧត្តមទេសរដ្ឋមន្រ្តី លី ធុជ ប្រធានសហព័ន្ធកីឡាបាល់បោះរទេះជនពិការកម្ពុជា។ តំណាងមកពីស្ថានទូតជប៉ុនប្រចាំនៅព្រះរាជណាចក្រកម្ពុជា មូលនិធិព្រីនស៍ និងគណៈកម្មាធិការអន្តរជាតិនៃកាកបាទក្រហម ភ្ញៀវកិត្តិយសជាតិ និងអន្តរជាតិមកពីវិស័យឯកជន ក៏បានចូលរួមក្នុងកម្មវិធីនេះផងដែរ។ អត្តពលិកបានទទួលអំណោយកោតសរសើរជាការលើកទឹកចិត្ត និងទទួលស្គាល់អំពីការខិតខំប្រឹងប្រែងរបស់ពួកគេក្នុងការប្រកួតកន្លងមក។ ឯកឧត្តមទេសរដ្ឋមន្រ្តី លី ធុជ មានប្រសាសន៍ថា «សន្តិភាពបានផ្តល់ឱ្យប្រទេសកម្ពុជា និងប្រជាជននូវមោទកភាព ស្របពេលដែលក្រុមអត្តពលិកកីឡាបាល់បោះរទេះជនពិការនារីកម្ពុជា បាននាំយកមេដាយមាស និងប្រាក់ពីការប្រកួតកីឡាក្នុងព្រឹត្តិការណ៍អាស៊ានប៉ារ៉ាហ្គេមលើកទី១២ ជូនជាតិ និងប្រជាជនកម្ពុជាទាំងមូល។» «ការលះបង់ និងការខិតខំប្រឹងប្រែងរបស់អត្តពលិករបស់យើងបានទទួលផល ដែលធ្វើឲ្យប្រទេសជាតិយើងមានមោទនភាព។ ជ័យជម្នះនេះបង្ហាញពីភាពរឹងមាំរបស់អត្តពលិកយើង និងវឌ្ឍនភាពក្នុងការលើកកម្ពស់បរិយាបន្ននៅក្នុងវិស័យកីឡា។ សូមឲ្យជ័យជម្នះជាប្រវត្តិសាស្ត្រនេះ ជំរុញទឹកចិត្តប្រជាជនកម្ពុជាទាំងអស់ឱ្យប្រឹងប្រែងអស់ពីសមត្ថភាព ក្រោមការដឹកនាំស្របតាមចក្ខុវិស័យដ៏ឆ្លាតវៃរបស់សមេ្តចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា។ សូមអបអរសាទរជាថ្មីម្តងទៀតដល់ក្រុមអត្តពលិកកីឡាបាល់បោះរទេះជនពិការនារីកម្ពុជាដ៏អស្ចារ្យរបស់យើង!» ក្រុមអត្តពលិកកីឡាបាល់បោះរទេះជនពិការកម្ពុជាបានបង្ហាញនូវជំនាញពិសេសរៀងៗខ្លួន អំពីការធ្វើការងារជាក្រុម និងការប្តេជ្ញាចិត្តក្នុងការប្រកួតអាស៊ានប៉ារ៉ាហ្គេមលើកទី១២នេះ។ ក្រុមអត្តពលិកកីឡាបាល់បោះរទេះជនពិការនារីកម្ពុជា បានឈ្នះមេដាយមាសក្នុងវិញ្ញាសារប្រកួត ៣ទល់៣ និង មេដាយប្រាក់ក្នុងវិញ្ញាសារ ៥ទល់នឹង៥ ដែលនេះបានសរបញ្ជាក់យ៉ាងច្បាស់ពីភាពធន់ និងជំនាញរបស់អត្តពលិកកម្ពុជាយើងម្នាក់ៗ។ ក្រុមអត្តពលិកនារីត្រូវបានវាយតម្លៃថាមានសមត្ថភាព (ឃ្វ័រលីហ្វាយ) […]

នៅថ្ងៃទី២៧ ខែឧសភា មូលនិធិព្រីនស៍ បានធ្វើសិក្ខាសាលាបណ្តុះបណ្តាលស្តីពីជំងឺអូទីហ្សឹមសម្រាប់សាលាមត្តេយ្យសិក្សាអន្តរជាតិ My Little Pumpkin International Preschool ។ សិក្ខាកាមចំនួន ​១៣នាក់ រួមទាំងគ្រូបង្រៀនផ្នែកអប់រំពិសេស ជំនួយការគ្រូបង្រៀន និងបុគ្គលិកគាំទ្រ បានចូលរួមក្នុងសិក្ខាសាលានេះ។ សិក្ខាសាលាបានផ្តោតលើផ្នែកសំខាន់ៗចំនួនពីរ៖ ការគ្រប់គ្រងអាកប្បកិរិយា និងការបណ្តុះបណ្តាលការគ្រប់គ្រងអារម្មណ៍សម្រាប់សិស្សដែលមានជំងឺអូទីហ្សឹម។ សិក្ខាសាលានេះមានគោលបំណងពង្រឹងជំនាញ និងទំនុកចិត្តរបស់គ្រូក្នុងការដោះស្រាយបញ្ហាប្រឈមទាក់ទងនឹងអាកប្បកិរិយា និងលើកកម្ពស់ការយល់ដឹងអំពីអារម្មណ៍របស់សិស្សដែលមានជំងឺអូទីហ្សឹម ។ រៀបចំ និងបង្ហាត់ដោយតំណាងមកពីមូលនិធិព្រីនស៍ អ្នកចូលរួមបានទទួលការយល់ដឹងអំពីបច្ចេកទេសផ្អែកលើភស្តុតាង និងការយល់ដឹងអំពីយុទ្ធសាស្ត្រដ៏មានប្រសិទ្ធភាពដែលនឹងផ្តល់អត្ថប្រយោជន៍ដល់សិស្សានុសិស្ស និងបង្កើតបរិយាកាសសិក្សាដែលកាន់តែអំណោយផល។ សិក្ខាសាលាទទួលបានមតិវិជ្ជមានពីអ្នកចូលរួម។ ១០០ ភាគរយ នៃអ្នកចូលរួមបានសម្តែងថាសិក្ខាសាលាបានពង្រឹងការយល់ដឹងរបស់ពួកគេអំពីការគ្រប់គ្រងអាកប្បកិរិយាសម្រាប់សិស្សដែលមានជំងឺ ASD ។ ជាង ៩០ ភាគរយនៃអ្នកចូលរួមបានបញ្ជាក់ថា សិក្ខាសាលាបានបំពាក់បំប៉នពួកគេជាមួយនឹងវិធីសាស្រ្ត និងការអនុវត្តជាក់ស្តែង ដើម្បីបង្កើនការគ្រប់គ្រងផ្លូវចិត្តរបស់សិស្ស។ មូលនិធិព្រីនស៍ បន្តការប្តេជ្ញាចិត្តឥតងាករេចំពោះការអភិវឌ្ឍប្រកបដោយចីរភាពក្នុងប្រទេសកម្ពុជា ដោយផ្តល់អាទិភាពដល់ការវិនិយោគលើធនធានមនុស្ស និងខិតខំសម្រាប់ការអប់រំប្រកបដោយគុណភាព និងសមធម៌ដែលអាចទទួលបានសម្រាប់ទាំងអស់គ្នា។

៩៦ ភាគរយនៃនិស្សិតដែលបានចូលរួមក្នុងវគ្គបណ្តុះបណ្តាលនេះបានសម្តែងការយល់ដឹងកាន់តែច្បាស់អំពីរបៀបបង្កើតយុទ្ធសាស្រ្តទំនួលខុសត្រូវសង្គមរបស់សាជីវកម្ម។​ តំណាងមូលនិធិព្រីនស៍បានបើកវគ្គបណ្តុះបណ្តាលស្តីពីទំនួលខុសត្រូវសង្គមរបស់សាជីវកម្មសម្រាប់និស្សិតថ្នាក់បរិញ្ញាបត្រជាន់ខ្ពស់ផ្នែកសហគ្រិនភាព និងការគ្រប់គ្រងគម្រោងមកពីសាកលវិទ្យាល័យភូមិន្ទនីតិសាស្រ្ត និងវិទ្យាសាស្រ្តសេដ្ឋកិច្ច។ យោងតាមការស្ទង់មតិក្រោយបញ្ចប់វគ្គសិក្សា សិស្សានុសិស្ស ៩៦ភាគរយបានសម្តែងការពេញចិត្ត និងការយល់ដឹងកាន់តែច្បាស់អំពីរបៀបបង្កើតយុទ្ធសាស្រ្តទំនួលខុសត្រូវសង្គមរបស់សាជីវកម្មដែលរួមចំណែកដល់ការផ្តល់ជាផលវិជ្ជមានដល់សង្គម និងបរិស្ថាន។​ វគ្គសិក្សានេះបានគ្របដណ្តប់ទិដ្ឋភាពផ្សេងៗនៃទំនួលខុសត្រូវសង្គមរបស់សាជីវកម្មដូចជា ការបង្កើតយុទ្ធសាស្រ្តទំនួលខុសត្រូវសង្គមរបស់សាជីវកម្ម ការគ្រប់គ្រងគ្រប់ភាគី និងអ្នកពាក់ព័ន្ធ ការវាស់វែងផលប៉ះពាល់សង្គម និងការធ្វើរបាយការណ៍បរិស្ថាន សង្គម និងអភិបាលកិច្ច​ (ESG)។​ នៅចុងបញ្ចប់នៃមេរៀន និស្សិតក៏មានឱកាសក្នុងការរៀបចំ និងបង្កើតយុទ្ធសាស្រ្តទំនួលខុសត្រូវសង្គមរបស់សាជីវកម្មស្របតាមគោលដៅអភិវឌ្ឍន៍ប្រកបដោយចីរភាពដើម្បីដោះស្រាយបញ្ហាសង្គម និងបរិស្ថាន។​ លោក Gabriel Tan ប្រធានមូលនិធិព្រីនស៍បានមានប្រសាសន៍ថា «យើងមានកិត្តិយសដែលបានចូលរួមចំណែកក្នុងការលើកកម្ពស់ការយល់ដឹងអំពីការអភិវឌ្ឍប្រកបដោយចីរភាពជាមួយនឹងអនាគតអ្នកដឹកនាំរបស់ប្រទេសជាតិយើង។ ក្រុមការងារមូលនិធិខិតខំស្វែងរកគំនិត និងជំនាញថ្មីៗអំពីការអភិវឌ្ឍប្រកបដោយចីរភាព និងចែករំលែកទៅកាន់សិស្សានុសិស្សដើម្បីអនុវត្តឱ្យចេញជាសកម្មភាពជាក់ស្តែង។ យើងសង្ឃឹមថានឹងបន្តផ្តល់នូវវេទិកាដែលសិស្សនុសិស្សអាចស្វែងយល់ពីសារៈសំខាន់នៃទំនួលខុសត្រូវសង្គមរបស់សាជីវកម្មនៅក្នុងពិភពធុរកិច្ចរបស់យើងនាពេលបច្ចុប្បន្ននេះ និងរបៀបដែលពួកគេអាចយកទៅអនុវត្តផ្ទាល់ក្នុងអាជីពជាសហគ្រិននាពេលអនាគតរបស់ពួកគេ»។​ មូលនិធិព្រីនស៍នៅតែបន្តខិតខំប្រឹងប្រែងលើកកម្ពស់សមត្ថភាពធនធានមនុស្ស និងការសម្រចនូវគោលដៅអភិវឌ្ឍន៍ប្រកបដោយចីរភាពរបស់អង្គការសហប្រជាជាតិ។ មូលនិធិនឹងបន្តជម្រុញអ្នកជំនាញបន្ថែមទៀតឱ្យទទួលយក និងឱ្យតម្លៃទៅលើការអភិវឌ្ឍប្រកបដោយចីរភាព ដែលនឹងរួមចំណែកដល់អនាគតដ៏ល្អប្រសើរសម្រាប់ប្រទេសកម្ពុជា។

មូលនិធិព្រីនស៍ បានប្រារព្ធពិធីអបអរសាទរដល់ក្រុមកីឡាករបាល់ទះ ក្នុងសាសជម្រើសជាតិកម្ពុជា ដែលបានឈ្នះមេដាយប្រាក់ពីព្រឹត្តិការណ៍កីឡាស៊ីហ្គេមលើកទី៣២ កាលពីពេលថ្មីៗនេះ។ អំណោយជាការកោតសរសើរ និងលើកទឹកចិត្តនេះត្រូវបានប្រគល់ជូនដល់ម្ចាស់មេដាយប្រាក់ស៊ីហ្គេម រួមជាមួយនឹងគ្រូបង្វឹករបស់ក្រុមជម្រើសជាតិកម្ពុជាផងដែរ នៅឯសហព័ន្ធកីឡាបាល់ទះកម្ពុជា។ ក្រោមមាគាដឹកនាំរបស់សប្បុរសជន​ អ្នកឧកញ៉ា ចេន ហ្ស៊ី និងជាប្រធានក្រុមហ៊ុនព្រីនស៍​ ហូលឌីង គ្រុប មូលនិធិព្រីនស៍បានបន្តគាំទ្រក្រុមបាល់ទះបុរសជម្រើសជាតិកម្ពុជាក្នុងរយៈពេលប្រាំឆ្នាំចុងក្រោយនេះ ដែលរួមទាំងការសម្របសម្រួលការប្រកួតមិត្តភាពអន្តរជាតិ និងការឧបត្ថម្ភគ្រូបង្វឹកដែលមានបទពិសោធន៍ជាច្រើនឆ្នាំមកបង្វឹកកូនក្រុមផងដែរ។ លោក Gabriel Tan ប្រធានមូលនិធិព្រីនស៍ បានសម្តែងការកោតសរសើរចំពោះការខិតខំប្រឹងប្រែង និងការលះបង់របស់ក្រុម ដែលនាំឱ្យពួកគេទទួលបានជ័យជម្នះនាពេលថ្មីៗនេះក្នុងព្រឹត្តិការណ៍កីឡាស៊ីហ្គេមលើកទី៣២។ លោកបានគូសបញ្ជាក់បន្ថែមពីការប្តេជ្ញាចិត្តមិនងាករេរបស់មូលនិធិក្នុងការលើកកម្ពស់ការអភិវឌ្ឍវិស័យកីឡានៅកម្ពុជា ដោយសង្កត់ធ្ងន់លើការផ្តល់ផលជាវិជ្ជមានចំពោះសហគមន៍។ លោក Tan បានមានប្រសាសន៍ថា «ការទទួលបានមេដាយប្រាក់ក្នុងវគ្គប្រកួតចុងក្រោយជាមួយក្រុមខ្លាំងមកពីប្រទេសឥណ្ឌូនេស៊ី គឺជាសមិទ្ធិផលដ៏គួរឱ្យកត់សម្គាល់ ដែលបានសរបញ្ជាក់ឱ្យឃើញពីការប្តេជ្ញាចិត្ត និងភាពអត់ធ្មត់របស់ក្រុម»។ «ពិតជាមិនអាចប្រកែកបានឡើយ! ការខិតខំប្រឹងប្រែង ការតាំងចិត្ត និងចំណង់ចំណូលចិត្តសម្រាប់កីឡាមួយនេះ នឹងដឹកនាំក្រុមជម្រើសជាតិកម្ពុជាឱ្យឆ្ពោះទៅរកការទទួលជ័យជម្នះដ៏ធំធេងនាពេលអនាគត រួមទាំងការទទួលមេដាយមាសនៅឆ្នាំខាងមុខៗ»។ មូលនិធិព្រីនស៍ លើកទឹកចិត្តឱ្យមានការចូលរួមក្នុងសកម្មភាពកីឡាគ្រប់កម្រិត ដើម្បីជំរុញឱ្យមានភាពរឹងមាំ និងភាពធន់ក្នុងសហគមន៍ ស្របពេលដែលលើកកម្ពស់សុខភាព និងសុខុមាលភាពបុគ្គលម្នាក់ៗតាមរយេៈការលេងកីឡា។ មូលនិធិនៅតែប្តេជ្ញាចិត្តក្នុងការគាំទ្រដល់ការអភិវឌ្ឍកីឡាដែលជាកត្តាជំរុញឱ្យមានការផ្លាស់ប្តូរជាវិជ្ជមាននៅក្នុងប្រទេសកម្ពុជា ហើយនឹងបន្តពង្រឹងទិដ្ឋភាពកីឡារបស់ប្រទេសតាមរយៈគំនិតផ្តួចផ្តើមទំនួលខុសត្រូវសង្គមរបស់សាជីវកម្ម (CSR)ផងដែរ។

Prince Horology had the honor of hosting Mayor Sokhary Chau of Lowell, Massachusetts, the first Cambodian-American mayor in the United States. During his visit, Mayor Chau had the opportunity to meet local Cambodian watchmakers and students, hearing firsthand about their transformational journeys over the last few years. Mayor Chau’s rise to his current position, achieved […]

ទស្សនកិច្ចសិក្សានេះត្រូវបានឧបត្ថម្ភដោយមូលនិធិព្រីនស៍ ដើម្បីគាំទ្រដល់អត្តពលិកប៉ារ៉ានារីកម្ពុជា។ រាជធានីភ្នំពេញ៖ នាព្រឹកថ្ងៃទី២៨ ខែមីនា ឆ្នាំ២០២៣ ក្រុមអត្តពលិកកីឡាបាល់បោះរទេះជនពិការនារីកម្ពុជា បានចេញដំណើរទៅកាន់ប្រទេសថៃសម្រាប់កម្មវិធីបណ្តុះបណ្តាលអន្តរជាតិមួយដែលមានរយៈពេល ៩ថ្ងៃ ចាប់ពីថ្ងៃទី ២៨ ខែមីនា រហូតដល់ថ្ងៃទី ៥ ខែមេសា។ ក្រោមការឧបត្ថម្ភពីមូលនិធិព្រីនស៍ ក្រុមដែលមានសមាជិក ១៦នាក់នេះនឹងចូលរួមកម្មវិធីជំរុំដើម្បីការអភិវឌ្ឍស្រ្តីនៅតំបន់អាស៊ីអូសេអានី (AOZ) នៅខេត្តសូផាន់បុរី ប្រទេសថៃ ដើម្បីពង្រឹងជំនាញ និងបទពិសោធន៍ក្នុងការត្រៀមប្រកួតសម្រាប់ព្រឹត្តិការណ៍អាស៊ានប៉ារ៉ាហ្គេមលើកទី១២ នាពេលខាងមុខនេះ។  កម្មវិធីនេះត្រូវបានរៀបចំដោយសហព័ន្ធកីឡាបាល់បោះរទេះរុញអន្តរជាតិ ដោយមានការគាំទ្រពីមូលនិធិ Agitos និង មូលនិធិ World Wheelchair Express។ អត្តពលិកមកពីបណ្តាប្រទេសចូលរួមមានដូចជា បង់ក្លាដែស ឥណ្ឌូនេស៊ី ម៉ាឡេស៊ី ឡាវ ហ្វីលីពីន និងថៃ នឹងត្រៀមបង្កើនជំនាញរបស់ពួកគេតាមរយៈការហ្វឹកហាត់យ៉ាងយកចិត្តទុកដាក់ និងការធ្វើត្រាប់តាមការប្រកួត។ លោកទេសរដ្ឋមន្រ្តី លី ធុជ ប្រធានសហព័ន្ធកីឡាបាល់បោះរទេះជនពិការកម្ពុជា បានថ្លែងអំណរគុណចំពោះ មូលនិធិព្រីនស៍។ លោកទេសរដ្ឋមន្រ្តីបានលើកឡើងថា «យើងពិតជាអរគុណយ៉ាងជ្រាលជ្រៅចំពោះការគាំទ្រឥតងាករេ ដែលបានជួយឱ្យក្រុមអត្តពលិករបស់ពួកយើងឈានទៅដល់សក្តានុពលដ៏ពេញលេញមួយរបស់ពួកគេ។ ក្រុមអត្តពលិកនារីរបស់យើងដែលបានឈ្នះមេដាយមាសក្នុងព្រឹត្តិការណ៍អាស៊ានប៉ារ៉ាហ្គេមឆ្នាំ២០២២ ទន្ទឹមរង់ចាំចូលរួមក្នុងកម្មវិធីជំរុំដើម្បីការអភិវឌ្ឍស្រ្តីនៅតំបន់អាស៊ីអូសេអានី និងបន្តពង្រឹងសមត្ថភាពជំនាញរបស់ពួកគេនៅលើឆាកអន្តរជាតិ»។ លោក Gabriel […]

ភ្នំពេញ – ថ្ងៃទី 23 ខែមីនា ឆ្នាំ 2023៖ ថ្មីៗនេះក្រុមហ៊ុនព្រីនស៍ ហូលឌីង គ្រុប (Prince Holding Group) បានស្វាគមន៍នាយកប្រតិបត្តិចំនួន ៣នាក់មកកាន់មជ្ឈមណ្ឌលបណ្តុះបណ្តាលវិជ្ជាជីវៈផ្នែកផលិតនាឡិការបស់ប្រទេសស្វីស ព្រីនស៍ នាឡិកា។ គណៈប្រតិភូទាំង ៣រូប មានដូចជា លោក Anthony Galliano នៃក្រុមហ៊ុន Cambodia Investment Management លោក Mathew Care នាយកប្រតិបត្តិនៃក្រុម Digital Classifieds Group របស់ប្រទេសអូស្ត្រាលី និងលោក Tom O’Sullivan នាយកប្រតិបត្តិនៃ realestate.com.kh។ គណៈប្រតិភូមានឱកាសចូលទស្សនាថ្នាក់រៀន និងសំណេះសំណាលជានិស្សិត។ ក្រៅពីនេះ គណៈប្រតិភូក៏បានសង្កេតមើលការប្រើប្រាស់ឧបករណ៍ទំនើបៗ ដើម្បីបំពេញនូវតម្រូវការស្របតាមកម្មវិធីសិក្សាដែលត្រូវបានរៀបចំឡើងតាមស្តង់ដាររបស់ប្រទេសស្វីស។ លោក Gabriel Tan ប្រធានផ្នែកទំនាក់ទំនងនៃក្រុមហ៊ុនព្រីនស៍ ហូលឌីង គ្រុប បានថ្លែងអំណរគុណចំពោះដំណើរទស្សនកិច្ចនេះ ដោយលោកបានលើកឡើងថា៖ «យើងមានកិត្តិយសក្នុងការរៀបចំទទួលស្វាគមន៍ថ្នាក់ដឹកនាំក្រុមហ៊ុនអន្តរជាតិទាំងបី ដែលបានបំពេញទស្សនកិច្ចសិក្សាអំពីកម្មវិធីអភិវឌ្ឍន៍ធនធានមនុស្សរបស់យើង។ […]

មូលនិធិព្រីនស៍ ពិតជាមានសេចក្តីសោមន្សរីករាយក្នុងការប្រកាសដល់សិស្សានុសិស្សអំពីការបើកទទួលពាក្យអាហារូបករណ៍ ចេន ហ្ស៊ី ជំនាន់ទី២ តាមប្រព័ន្ធអនឡាញ។ កម្មវិធីអាហារូបករណ៍នឹងផ្តល់ជូននូវ ការបង់ថ្លៃសិក្សាពេញ១០០ភាគរយ ប្រាក់ឧបត្ថម្ភប្រចាំខែ កម្មវិធីអភិវឌ្ឍន៍ខ្លួន និងឱកាសកម្មសិក្សាជូនដល់សិស្សានុសិស្សក្រីក្រចំនួន ១០០នាក់ សម្រាប់ឆ្នាំសិក្សា ២០២៣ នេះ។ លក្ខខណ្ឌក្នុងការពាក្យស្នើសុំគឺ សិស្សានុសិស្សត្រូវមានសញ្ជាតិខ្មែរ និងជាសិស្សដែលបានបញ្ចប់ថ្នាក់ទុតិយភូមិឆ្នាំ២០២១ ឬ ២០២២ ជាមួយនឹងការរើសមុខជំនាញសិក្សានៅសាកលវិទ្យាល័យភូមិន្ទភ្នំពេញ (RUPP) សាកលវិទ្យាល័យជាតិគ្រប់គ្រង (NUM) ឬនៅវិទ្យាស្ថានបច្ចេកវិទ្យាកម្ពុជា (ITC)។ តំណភ្ជាប់អនឡាញនៃបែបបទបំពេញពាក្យអាហារូបករណ៍ (czs2023.com) នឹងមានចាប់ពីថ្ងៃទី២៧ ខែមករា ដល់ថ្ងៃទី១០ ខែកុម្ភៈ ឆ្នាំ២០២៣។ សិស្សដែលជាប់ក្នុងវគ្គជម្រុះនឹងត្រូវបានអញ្ជើញឱ្យចូលរួមសម្ភាសន៍ចុងក្រោយនៅក្នុងខែកុម្ភៈ ហើយជ័យលាភីអាហារូបករណ៍ចំនួន ១០០នាក់ នឹងត្រូវបានប្រកាសនៅក្នុងខែមីនា។ កម្មវិធីអាហារូបករណ៍នេះ គឺជាផ្នែកមួយនៃចក្ខុវិស័យរបស់ក្រុមហ៊ុន ព្រីនស៍ ហូលឌីង គ្រុប ក្នុងការចូលរួមអភិវឌ្ឍធនធានមនុស្សរបស់ព្រះរាជាណាចក្រកម្ពុជា តាមរយៈភាពជាដៃគូសាធារណៈ និងឯកជន។ មូលនិធិព្រីនស៍ មានសេចក្តីសោមនស្សរីករាយដែលអាចផ្តល់ឱ្យយុវជនកម្ពុជានូវលទ្ធភាពទទួលបានការអប់រំប្រកបដោយគុណភាព និងនិងឱកាសវិជ្ជាជីវៈ ដើម្បីជំរុញកំណើនសេដ្ឋកិច្ច និងការផ្លាស់ប្តូរជាវិជ្ជមាននៅកម្ពុជា។ សម្រាប់ព័ត៌មានបន្ថែម សូមទំនាក់ទំនងមកកាន់ កញ្ញា ខៀវ មរកត […]