គំនិតផ្តួចផ្តើមរបស់ ESG

ការប្តេជ្ញាចិត្តរបស់ ESG

ក្នុងនាមជាក្រុមហ៊ុនរីកចម្រើនឈានមុខគេមួយនៅក្នុងប្រទេសកម្ពុជា ព្រីនស៍ ហូលឌីង គ្រុប ក្រសោបយកនូវរាល់ទំនួលខុសត្រូវរបស់ខ្លួនដើរឆ្ពោះទៅរកការអភិវឌ្ឍប្រកបដោយចីរភាព។ នៅក្នុងកម្រិតរបស់សម្ព័ន្ធ យុទ្ធសាស្រ្តបរិស្ថាន សង្គម និងអភិបាលកិច្ចរបស់យើង (ESG) គឺមានការផ្តោតសំខាន់បីទៅលើ ការអប់រំនិងការអភិវឌ្ឍយុវជន ការថែទាំសុខភាព និងការចូលរួមរបស់សហគមន៍។ បន្ថែមពីនេះទៀត ព្រីនស៍ ហូលឌីង គ្រុប កំពុងធ្វើការលើការបង្កើតនូវគម្រោងESGជារួមមួយ ដែលនឹងក្លាយជាមាគ៌ាណែនាំពីផែនការពង្រីកខ្លួនដល់ ក្រុមហ៊ុនបុត្រសម្ព័ន្ធរបស់យើង។

ខណៈពេលដែលគ្រោះមហន្តរាយមានការធូរស្បើយហើយមានតម្រូវការនៃការថែទាំសុខភាព ក្រុមហ៊ុន ព្រីនស៍ហូលឌីង គ្រុប បានធ្វើការបរិច្ចាគជាទ្រង់ទ្រាយធំជាច្រើនលើកក្នុងការជួយប្រយុទ្ធប្រឆាំងនឹងរោគរាតត្បាត ហើយបានជួយដល់ជនរងគ្រោះដោយសារទឹកជំនន់កាលពីឆ្នាំ ២០២០។ នៅក្នុងនោះ សម្ព័ន្ធ ក៏បានផ្កល់ជំនួយឧបត្ថម្ភជាថវិកាក៏ដូចជាសម្ភារៈផ្គត់ផ្គង់ចាំបាច់ផ្សេងៗដល់អ្នកដែលរងគ្រោះដោយសារជំនន់ផងដែរ។ នៅខែមីនា ឆ្នាំ២០២១ ប្រធានក្រុមហ៊ុនព្រីនស៍ ហូលឌីង គ្រុប អ្នកឧកញ៉ា Chen Zhi បានឆ្លើយតបទៅនឹងការអំពាវនាវរកជំនួយពី រដ្ឋាភិបាលកម្ពុជា ក្នុងការប្រយុទ្ធប្រឆាំងនឹងការរីករាលដាលនៃការការពារជំងឺកូវីដ-១៩ ក្នុងព្រឹត្តិការណ៍២០កុម្ភៈ ដោយប្រកាសអំពីផែនការបរិច្ចាគថវិកាចំនួន ៣ លានដុល្លារសហរដ្ឋអាមេរិក ជូនដល់កិច្ចខិតខំប្រឹងប្រែងកាត់បន្ថយ និងការការពារការរីករាតត្បាត នៃជំងឺនេះ។ នៅចុងឆ្នាំ២០២០ លោកប្រធាន អ្នកឧកញ៉ា Chen Zhi ក៏បានបរិច្ចាគថវិកាចំនួន ៣ លានដុល្លារសហរដ្ឋអាមេរិក ដើម្បីជួយដល់ប្រទេសកម្ពុជាក្នុងការទិញវ៉ាក់សាំងសម្រាប់ការពារជំងឺកូវីដ-១៩ផងដែរ។

ដោយសារតែមានការអភិវឌ្ឍលើការសិក្សាអប់រំ និងយុវជន ពួកយើងបានសម្ភោធដាក់ឱ្យប្រើប្រាស់ជាផ្លូវការនូវសាលាផលិតនាឡិកាមួយ ការជួយជ្រើសរើសគ្រូបង្វឹកដែលមានបទពិសោធន៍ដើម្បីបណ្តុះបណ្តាលដល់ក្រុមបាល់ទះជម្រើសជាតិកម្ពុជា ហើយពួកយើងក៏នឹងសម្ភោធដាក់ឱ្យប្រើប្រាស់ជាផ្លូវការនូវកម្មវិធីអាហារូបករណ៍ធំជាងគេនៅកម្ពុជាមួយ ដែលទទួលមូលនិធិពីក្រុមហ៊ុនឯកជន។ ពួកយើងនឹងបន្តរកវិធីថ្មីៗដើម្បីធ្វើឱ្យមានភាពខុសគ្នា និងអនុវត្តតាមយុទ្ធសាស្ត្រដែលអាចវាស់វែងបានដើម្បីលើកកម្ពស់ដល់សហគមន៍មូលដ្ឋាន។

រហូតមកទល់ពេលនេះ មូលនិធិសប្បុរសធម៌ព្រីនស៍បានរៀបចំប្រមាណជាង២៥០ សកម្មភាព និងបានបរិច្ចាគថវិកានិងសម្ភារៈផ្សេងទៀតដែលមានតម្លៃជាង ១៤លានដុល្លារសហរដ្ឋអាមេរិក ដែលផ្តល់ជាផលប្រយោជន៍ដល់ប្រជាជនកម្ពុជាប្រមាណ ៥០ម៉ឺននាក់។

តាមដែលស្ថានភាពនៃការរីករាលដាលនៃជម្ងឺកូវីដ១៩ វាបានបង្ហាញថាសម្រាប់ក្រុមហ៊ុនមិនមានអ្វីដែលសំខាន់ជាងការថែរក្សាសហគមន៍ដែលពួកគេកំពុងធ្វើប្រតិបត្តិការនោះទេ។ មិនត្រឹមតែប៉ុណ្ណោះ ក្រុមហ៊ុនព្រីនស៍ ហូលឌីង គ្រុប បានវិនិយោគជាទឹកប្រាក់ជាង ២ពាន់លានដុល្លារសហរដ្ឋអាមេរិក ក្នុងការបណ្តាក់ទុនសាជីវកម្មក្នុងរយៈពេល៥ឆ្នាំកន្លងមកនេះ ហើយនឹងបន្តកើនឡើងដើម្បីរក្សាផលប្រយោជន៍ជូនប្រជាជនកម្ពុជា។

គំនិតផ្តួចផ្តើមរបស់ ESG

ការអភិវឌ្ឍឈានមុខគេនៅប្រទេសកម្ពុជា

ដោយមាន​ការអនុវត្តទៅលើចំណេះដឹងក្នុងស្រុក និងទស្សនវិស័យជាសកល ក្រុមហ៊ុនព្រីនស៍ ហូលឌីង គ្រុប បាននឹងកំពុងចូលរួមយ៉ាងសកម្មក្នុងការអភិវឌ្ឍសេដ្ឋកិច្ចសង្គមនាពេល អនាគតរបស់ប្រទេសកម្ពុជា។


ការអប់រំនិងយុវជន

ក្រុមហ៊ុនព្រីនស៍ ហូលឌីង គ្រុប បានបើកមជ្ឍមណ្ឌលបណ្តុះបណ្តាលវិជ្ជាជីវៈ ព្រីនស៍ ដែលសិក្សាពីរង្វាស់ពេលវេលា សាលាផលិតនាឡិកាឯករាជ្យដំបូងគេរបស់ប្រទេសកម្ពុជា ការគាំទ្រដល់ក្រុមបាល់ទះជម្រើសជាតិកម្ពុជាដោយមានការជ្រើសរើសគ្រូបង្វឹកលំដាប់ពិភពលោកដែលមានបទពិសោធន៍ក្នុងការបណ្តុះបណ្តាលជាលក្ខណៈអន្តរជាតិ។ សម្ព័ន្ធនេះក៏បានធ្វើការពិភាក្សាជាប្រចាំជាមួយនឹងរដ្ឋាភិបាលកម្ពុជា ក្នុងគោលបំណងណែនាំពីកម្មវិធី អាហារូបករណ៍ដែលនឹងស្វែងរកនូវការគាំទ្រដល់សេចក្តីប្រាថ្នារបស់សិស្ស និងនិស្សិតកម្ពុជា ក្នុងវិស័យអប់រំ។


តំហែទាំ​សុខភាព
សម្ព័ន្ធក្រុមហ៊ុន ព្រីនស៍ គ្រុប បានបរិច្ចាគថវិកាចំនួន ៣ លានដុល្លារសហរដ្ឋអាមេរិក ដើម្បីជួយរាជរដ្ឋាភិបាលកម្ពុជាក្នុងការទិញវ៉ាក់សាំងការពារជម្ងឺកូវីដ១៩។ ក្រៅពីផ្តល់ជំនួយជូនដល់ប្រទេសកម្ពុជាឱ្យទាន់ពេលវេលានៅក្នុងកំឡុងពេលដែលត្រូវការជាចាំបាច់នោះ ក្រុមហ៊ុន ព្រីនស៍ ហូលឌីង គ្រុប ក៏បាននឹងកំពុងគ្រោងផ្តល់ការគាំទ្រដល់តម្រូវការ ក្នុងវិស័យសុខាភិបាលជូនដល់ប្រជាជនកម្ពុជាតាមរយៈការបង្កើតមណ្ឌលសុខភាព និងការធ្វើការជាមួយសម្ព័ន្ធមន្ទីរពេទ្យឈានមុខគេនៅតំបន់អាស៊ីអាគ្នេយ៍។

ការចូលរួមចំណែកក្នុងសហគមន៍
ក្រុមហ៊ុន ព្រីនស៍ ហូលឌីង គ្រុប ចូលរួមយ៉ាងសកម្មជាមួយសហគមន៍មូលដ្ឋានទៅលើគម្រោងផ្សេងៗជាច្រើនដើម្បីបង្កើតទំនាក់ទំនងប្រកបដោយភាពសុខដុមរមនា និងការផ្តល់ជូនមកវិញជូនដល់សង្គមជាតិ។ តាមរយៈក្រុមហ៊ុនជាសមាជិករបស់ខ្លួន សម្ព័ន្ធនេះបានចែកជូននូវសម្ភារៈចំបាច់ជាច្រើន ដើម្បីជួយដល់សហគមន៍ដែលនៅជិតការដ្ឋានសាងសង និងផ្តល់ជំនួយដល់អ្នករងគ្រោះដោយគ្រោះមហន្តរាយក្នុងអំឡុងពេលនៃគ្រោះទឹកជំនន់ និងគ្រោះអាសន្នផ្សេងៗទៀត។