ព្រីនស៍ គ្រុប និងអង្គការភ្លែនអន្តរជាតិ បញ្ចប់ការប្រគល់ជូនគ្រឿងបរិក្ខារសម្រាប់លាងសម្អាតដៃ​ ចំនួន ១៩៨ ជូនសាលារៀនចំនួន ៩៩ នៅក្រុងព្រះសីហនុ

[រាជធានីភ្នំពេញ ថ្ងៃទី២៣ ខែមិថុនា ឆ្នាំ២០២២] មូលនិធិព្រីនស៍ ដែលជាមូលនិធិសប្បុរសធម៌របស់ក្រុមហ៊ុន ព្រីនស៍ ហូលឌីង គ្រុប​ និងអង្គការភ្លែនអន្តរជាតិ (កម្ពុជា) បានធ្វើការបញ្ចប់ជាផ្លូវការនូវពិធីប្រគល់ជូនគ្រឿងបរិក្ខារសម្រាប់ លាងសម្អាតដៃចំនួន ១៩៨ ដល់សាលារៀនសរុបចំនួន ៩៩ ក្នុងក្រុងព្រះសីហនុ ក្រោមអធិបតីភាពរបស់ ឯកឧត្តម គួច ចំរើន អភិបាលខេត្តព្រះសីហនុ ​ និងមានការចូលរួមពីមន្ត្រីការិយាល័យអប់រំ យុវជន និងកីឡា។

គួរបញ្ជាក់ថា គ្រឿងបរិក្ខារសម្រាប់លាងសម្អាតដៃនេះនឹងត្រូវបានចែកចាយទៅកាន់ស្ថាប័នចំនួន ៩៩ កន្លែង ដែលរួមមាន សាលាបឋមសិក្សាចំនួន ៧២ អនុវិទ្យាល័យចំនួន ១៨ និងវិទ្យាល័យចំនួន ៩ ជុំវិញខេត្តព្រះសីហនុ។ កម្មវិធីនេះ ប្រព្រឹត្តឡើងជាផ្នែកមួយនៃគម្រោង Safe to School ដែលមានរយៈពេលប្រាំមួយខែ ចាប់ពីខែមករា ដល់ខែមិថុនា ឆ្នាំ ២០២២ ដែលផ្តួចផ្ដើមឡើងដោយ មូលនិធិព្រីនស៍ អង្គការភ្លែនអន្តរជាតិហុងកុង (Plan International Hong Kong) និង អង្គការភ្លែនអន្តរជាតិកម្ពុជា(Plan International Cambodia)។ គម្រោងនេះ មានគោលបំណងក្នុងការធានាថា សិស្សានុសិស្ស មានលទ្ធភាពទទួលបានគ្រឿងបរិក្ខារអនាម័យត្រឹមត្រូវនៅពេលពួកគេត្រឡប់ទៅសាលារៀនវិញបន្ទាប់ពីជំងឺរាត ត្បាតកូវីដ-១៩។

អ្នលោកស្រី គ្វីននេត វ៉ង នាយិកាប្រចាំប្រទេសនៃអង្គការភ្លែនអន្តរជាតិកម្ពុជាមានប្រសាសន៍ថា “សិស្សានុសិស្ស ប្រមាណជិត ៤ម៉ឺន នាក់ ដោយមានការបែងចែកស្មើៗគ្នារវាងក្មេងប្រុស និងក្មេងស្រីនឹងអនុវត្តធ្វើអនាម័យដៃកាន់តែប្រសើរ ជាងមុននៅក្នុងគ្រប់សាលារៀននៃខេត្តព្រះសីហនុជាមួយនឹងគ្រឿងបរិក្ខារសម្រាប់លាងសម្អាតដៃដែលដំណើរការដោយឈ្នាន់ និងងាយស្រួលប្រើសម្រាប់ពិការភាពដែលយើងបានផ្តល់អោយ”។

ជាមួយគ្នានេះ លោក Gabriel Tan នាយកជាន់ខ្ពស់ផ្នែកទំនាក់ទំនងរបស់ ព្រីនស៍ ហូលឌីង គ្រុប បានមានប្រសាសន៍ថា “យើងចង់ធានាឲ្យបានថាសិស្សានុសិស្សទាំងអស់ទទួលបានការធ្វើអនាម័យដៃរបស់ពួកគេបានស្អាត ព្រោះវាមានសារៈសំខាន់ខ្លាំង ណាស់សម្រាប់សុខភាព និងសុវត្ថិភាពរបស់ពួកគេនៅសាលារៀនដើម្បីឆ្លើយតបទៅនឹងផលប៉ះពាល់ពីជំងឺរាតត្បាត​ ហើយយើង
មានសេចក្តីសោមនស្សរីករាយជាខ្លាំងក្នុងការទទួលបានឱកាសធ្វើការជាមួយអង្គការភ្លែនអន្តរជាតិកម្ពុជា និងក្រសួងអប់រំ យុវជន និងកីឡា”។

ព្រីនស៍ ហូលឌីង គ្រុប ក្រោមការដឹកនាំរបស់លោក ប្រធាន Chen Zhi ផ្តោតលើការអភិវឌ្ឍន៍ធនធានមនុស្សដើម្បីជួយដល់ការអភិវឌ្ឍន៍សេដ្ឋកិច្ចរបស់ព្រះរាជាណាចក្រកម្ពុជា។
ព្រីនស៍ គ្រុប ជឿជាក់ថាអនាម័យល្អ គឺត្រូវបានរំពឹងថានឹងជំរុញអោយបរិយាកាសជុំវិញកាន់តែប្រសើរឡើង ដោយលើកកម្ពស់ការ
សិក្សា និងគុណភាពនៃការអប់រំដែលជាការយកចិត្តទុកដាក់មួយ (ការអប់រំ ការថែទាំសុខភាព និងការចុះជួយសហគមន៍) របស់ មូលនិធិព្រីនស៍។

អំពីក្រុមហ៊ុន ព្រីនស៍ ហូល ឌីង គ្រុប (Prince Holding Group)៖

ព្រីនស៍ ហូលឌីង គ្រុប (Prince Holding Group) គឺជាសម្ព័ន្ធក្រុមហ៊ុនពហុផលិតផលដ៏ធំមួយនៅកម្ពុជាដែលមាន
ក្រុមហ៊ុនជាច្រើនធ្វើការផ្តោតលើវិស័យស្នូលចំនួន ៣ គឺការអភិវឌ្ឍវិស័យអចលនទ្រព្យ សេវាហិរញ្ញវត្ថុ និងបម្រើសេវាអតិថិជន។

អង្គភាពអាជីវកម្មសំខាន់ៗរបស់ក្រុមហ៊ុន ព្រីនស៍ ហូលឌីង គ្រុប (Prince Holding Group) នៅកម្ពុជារួមមាន៖ ក្រុមហ៊ុន Prince Real Estate Group, ក្រុមហ៊ុន Prince Huan Yu Real Estate Group, និង ធនាគារ Prince Bank ផងដែរ ។ តាមរយៈក្រុមហ៊ុនបុត្រសម្ព័ន្ធរបស់ខ្លួន ក្រុមហ៊ុនព្រីនស៍ ហូលឌីង គ្រុប (Prince Holding Group) មានអាជីវកម្មជាង ៨០ នៅក្នុងប្រទេសកម្ពុជាដែលកំពុងធ្វើប្រតិបត្តិការអភិវឌ្ឍន៍ទៅលើ វិស័យអចលនទ្រព្យ វិស័យធនាគារ ហិរញ្ញវត្ថុ អាកាសចរណ៍ ទេសចរណ៍ ភស្តុភារ បច្ចេកវិទ្យា ចំណីអាហារ និងភេសជ្ជៈ និងជីវិតរស់នៅ ។ល។

ដោយប្រើបណ្តាញអ្នកជំនាញផ្នែកឧស្សាហកម្ម ពាណិជ្ជកម្ម និងហិរញ្ញវត្ថុនៅទូទាំងទ្វីបអាស៊ី សម្ព័ន្ធក្រុមហ៊ុន ព្រីនស៍ គ្រុប បានកសាងមូលដ្ឋានគ្រឹះដ៏សំខាន់សម្រាប់លំហូរមូលធនក្នុងស្រុក និងអន្តរជាតិ។ ក្រុមហ៊ុន ព្រីនស៍ ហូលឌីង គ្រុប នឹងបន្តបោះជំហានទៅមុខក្នុងការស្វែងរកឱកាសដើម្បីដើរតួនាទីយ៉ាងសំខាន់នៅកម្ពុជាតាមរយៈការធ្វើការក្នុងភាពជាដៃគូ ឬការវិនិយោគដោយផ្ទាល់នៅក្នុងឧស្សាហកម្មសំខាន់ៗដើម្បីនាំមកនូវភាពប្រសើរឡើងរបស់ប្រជាជនកម្ពុជា និង
សេដ្ឋកិច្ចក្នុងតំបន់។

អំពីមូលនិធិព្រីនស៍ (Prince Foundation)៖

មូលនិធិព្រីនស៍ត្រូវបានបង្កើតឡើងក្នុងឆ្នាំ២០១៥​ គឺជាមូលនិធិសប្បុរសធម៌ឈាន​មុខគេ​មួយ​នៅកម្ពុជា។ ​ក្នុងនាមជា សមាជិករបស់ក្រុមហ៊ុន ព្រីនស៍ ហូលឌីង គ្រុប ដែលជាសម្ព័ន្ធក្រុមហ៊ុនដ៏ធំមួយនៅកម្ពុជា ​មូលនិធិ​នេះមានគោល បំណងធ្វើការជាមួយសហគមន៍មូលដ្ឋានដើម្បីកសាងការរស់នៅ និងបរិយាកាសការងារដែល​លើកកម្ពស់​សុខុមាលភាព​ និងការរស់នៅរបស់ប្រជាជនស្របតាមចក្ខុវិស័យ «រួមគ្នាកសាងអនាគតកាន់តែប្រសើរសម្រាប់កម្ពុជា»។

ដោយផ្តោតលើវិស័យអប់រំ ការអភិវឌ្ឍន៍យុវជន វិស័យសុខាភិបាល និងកិច្ចផ្តួចផ្តើមសហគមន៍ មូលនិធិព្រីនស៍ បានបន្តធ្វើការជាមួយដៃគូនានាដើម្បីផ្តល់នូវកម្មវិធីដែលមាននរន្តភាព និងឱកាសជាច្រើនដល់យុវជនកម្ពុជា ការបង្កើតនូវ សហគមន៍ និងការចូលរួមក្នុងការកសាងហេដ្ឋារចនាសម្ព៍ន្ធជានិរន្តភាព។

គម្រោងដ៏លេចធ្លោរបស់មូលនិធិ គឺជាអាហារូបករណ៍ ចេន ហ្ស៊ី ដែលជាគម្រោងអាហារូបករណ៍ប្រចាំឆ្នាំ រួមសហការ ជាមួយនឹងក្រសួងអប់រំ យុវជន និងកីឡារបស់ប្រទេសកម្ពុជាក្នុងការផ្តល់អាហារូបករណ៍ពេញលេញទៅដល់និស្សិត សាកលវិទ្យាល័យកម្ពុជាចំនួន ៤០០នាក់ ក្នុងរយៈពេលប្រាំពីរឆ្នាំ រួមមាន ប្រាក់ឧបត្ថម្ភ ការចុះកម្មសិក្សា និងឱកាស ការងារ។ មូលនិធិព្រីនស៍ ផ្តួចផ្តើមកម្មវិធីសប្បុរសធម៌ជាង ២៥០ កម្មវិធី ដែលបានជួយទៅដល់មនុស្សប្រមាណជាង ៥០០,០០០ នាក់ ព្រមទាំងធ្វើការបរិច្ចាគដែលមានតម្លៃជាទឹកប្រាក់សរុបលើសពី ១៤ លានដុល្លារ។

សម្រាប់ការសាកសួរព័ត៌មានផ្សេងៗអំពីសម្ព័ន្ធក្រុមហ៊ុន ព្រីនស៍ គ្រុប សូមទំនាក់ទំនងទៅកាន់៖
លោក សូ សោទ្ធី
អ្នកគ្រប់គ្រងផ្នែកទំនាក់ទំនងសាធារណៈ
Prince Foundation
ទូរស័ព្ទលេខ៖ +៨៥៥ ១២​ ៣០៤០០១
អ៊ីម៉ែល៖ sorthy.so@princefoundation.com